Mapa d’Occitània

Comencí de far quela mapa per lo prumier còp en 2010, quante era estagiari a l’Estivada. Trobava a l’epòca que quò mancava de mapas d’Occitània de bona factura, pro belas e subretot correctas per lurs informacions. Aviá credat, per tornar legir e corregir las restitucions toponimicas que l’i son, a de las personas d’en pertot que coneissián lo subject. Lo principi de quela mapa quo era tanben d’esser manipulabla e modificabla a volontat. Perpause quí una version de basa, mas fau saber que l’aviá desvelopada emb las jos-prefecturas, los flumes, lo releu e que tot i es modificable sus damanda, de las colors dau fons aus textes, en passar per los botons. Existís quitament en version interactiva, emb de las bullas de texte qu’apareissen quand la ratona passa per-dessús

Crese que finalament que fuguí pas lo sole a far lo constat que me la faguet far, tant fuguet represa e distribuada e z’es enquera dempuei. L’aviá d’alhors depausada en Licéncia Creative Commons per ne’n aisinar la reutilizacion e la redistribucion, tot gratuitament.