South Park en occitan

04/11/2013

A l’origina deliri entre amics, me sei lançat en 2013 dins la produccion completament seriosa mai s’era realizada emb los mejans dau bòrd, d’un episòdi de la seria animada South Park en occitan. Ai pogut comptar sus lo sosten d’una bona dietzena d’amics que son venguts prestar lurs votzs a un episòdi de la seria de Matt Stone e Trey Parker, Scott Tenorman deu crebar. Entre l’adaptacion dau texte, l’enregistrament de chasca replica per son actor (jusinca 50 presas !), lur descopatge, la rechercha de bruchs e ambienças, la (re)composicion de las musicas, me fauguet mai de 6 mes de trabalh per finalament zo poder surtir. Mas au mens ai ‘gut lo temps de bien sasir e me familiarizar emb los bancs de montatge d’Adobe Premiere…entre autres logiciaus.