Site de l’Estivada (2011-2015)

05/05/2015

‘Ribat coma estagiari en 2010 a l’Estivada, comencí de m’interessar au site internet, qu’era quela annada realizat per un prestatari exterior. Quante torní, totjorn coma estagiari, en 2011, me sentiguí pro d’aise per realizar en integralitat un site internet per lo festenau (en utilizar los elements de la grafista de l’epòca, per lo costat visuau). Torní crear un site tornar de totas peças enquera en 2012, puei en 2013 me fixí sus una architectura que botget pas dempuei, en me despatolhar per la rendre actualizabla. I a mas quela-quí que se pòt uei veire sus internet (çai-junt una vuda de çò que semblava en 2014).

Lo site perpausava una partida blog, una seleccion (quò chamnhava a chasque charjament de pagina) daus espectacles dau festenau, un lector audiò per escotar los artistas que s’i produisián…

Au-delai dau site internet e de sas evolucions, creí e desvelopí dins lo cadre de l’Estivada quauques utilhs e supòrts liures, coma lo  Guide de Subrevida en Mitan Occitan, una mapa d’Occitània e una mapa interactiva d’Occitània. Quilhs documents se pòden enquera legir, en esperar que lur faja passar una mesa a niveu tecnica que n’aurián bien besonh.