Memòri “Comment peut-on faire un festival occitan ?”

26/09/2012

Quante io era en Master d’Engenhariá de Projects Culturaus a Bordeu (entre 2009 e 2012), ai pro trabalhat sus la cultura occitana, que io eissaiava de liar a las problematicas mai generalas que nos sometián, mas tanben sus l’evenimenciau e la forma festenaliera, que m’aviá totjorn ‘tirat. Quauques camaradas e io aviam quitament realizat un pitit festenau que reintegrava la cosina dins la cultura e a destinacion daus estudiants de ciutat U, quò fuguet nòstre project de fin d’estudis…e quo es una autra istòria.

Fuguere estagiari a l’Estivada, en 2010 puei en 2011, quò me semblava per lòrs lo festenau occitan lo mai interessant d’estudiar, e de far. Totas las donadas que poguí reculhir de l’interior me servigueren per mos diferents estudis (tipologia daus publics, manatjament culturau, interculturalitat…) e a l’encontrari, apliquere pauc a pauc tot çò qu’apreniá a la fac sus lo terren dau festenau e au dintre de l’equipa d’organizacion.

‘Ribat quasi a la fin de mon cursus, una pita visada en arrier me convencet que lo subject de mon memòri s’impausava de se, e que i aviá donc pro a dire e a escriure sus lo subject dau “festenau occitan” en partir dau cas especific de l’Estivada, qu’es lo que coneisse lo mielhs. Sostenguere en setembre de 2012…e aguí una bona nòta, mai una mencion, mas zo gardarai per io !

Veiqui, bòte queu trabalh en lectura, descharjament, a disposicion. Se lo subject vos interessa, o se vos interessatz a la creacion culturala occitana o a la gestion d’un festenau, ause esperar que l’i trobaretz quauques elements de refleccion !