Creacions e desviraments

M’amuse regularament a me far la man sus daus visuaus divers. Lo mai sovent, resconde pas que son a portada umoristica, çò que m’empescha pas d’eissaiar au maximum de los soenhar. Aime particularament l’umor parodic, lo pastiche, çò que me mena a eimaginar daus desviraments de marcas conegudas, d’afichas, a mon biais, e bien sovent a l’occitana. Crese quitament que quauques uns de quilhs desvirament an fach lo torn de la rantela. Ne’n podetz veire mai Aquí.

Dempuei un pauc mens longtemps, ai començat una colleccion de creacions totalas, que quauquas unas son quitament disponiblas dins ma botica de vestits en linha. L’umor l’i es totjorn present, enquera que siá mai boirat, emb de las referéncias pop-culturas, geek en òc e un estile cartoon, bédé, dessenh animat que a io m’agrada fòrça…

Lo desvirament o queu genre de creacions formen per io un leser, ‘laidonc quo es pas rare tanpauc de me veire intervenir dins daus collectius (lo G.O.D, Govèrn Occitan Derisòri…) o per daus amics e coneissenças que me josmeten de las eideias de far. Se quò me plai e que quò me fai rire, en generau l’i vau !