BaRuLa

04/11/2015

BaRuLa es sens contesta lo site internet lo mai abotit qu’ai pogut produire jusinca quí. Ai creat tot plen de chausas, a l’entorn d’una basa architecturala qu’existava desjà o pusleu ai esperat de botar la man sus quela basa architecturala per me lançar dins la fabricacion concreta d’un project personau que me perseguiá dempuei longtemps : un carnet de voiatge jos la fòrma d’una mapa interactiva.

BaRuLa (de barrutlar en occitan) agrumela un brave nombe de fonccionalitats a la poncha de çò que se fai chas WordPress, en permetre a chascun d’escriure una ficha sus un endrech visitat e de l’espinglar a la mapa. Los autres utilizators pòden notar l’interès dau luòc, partatjar de las fòtos de quel endrech, mas tanben e subretot descubrir virtualament daus endrechs bien reaus e “crocats” per lurs pars.

Especificitat de notar dins BaRuLa : lo site es tot en occitan. Una incitacion suplementària a eissaiar de dessenhar una granda Istòria en passar per de las pitas e a descubrir e far coneisser daus territòris au biais d’un torista escarrabilhat e curiós.