Aficha dau 1° Festenau Mascaret

06/07/2012

En 2012, l’Ostau Occitan lança son festenau, nomenat Mascaret. Aguí lo plaser de realizar l’aficha de la prumiera edicion de quel eveniment que se fai sus l’aglomeracion bordalesa a la debuta de l’autona. Mascaret s’es desvelopat dempuei lòrs e s’i pòden veire de las chausas vertadierament interessantas !

Per queu trabalh, volguí suggerar l’aspect occitan de l’eveniment mas en me surtir daus abituaus roges e jaunes. Ai çai que lai laissat la crotz, mas en transparéncia, en “ombra”, fàcia catada de la luna, simbeu d’una Bordeu portuària virada vers lo monde. D’aquí ven quel ambient “nuechenc” que, zo pense, vai bien a quela vila. Fin finala quo es la nuech que los cais de Bordeu son los mai braves !